A MIA TRAZA DE PENSAR

¿Qué persarbas tú, fablán de lo castellán, si bel diya te lebantas y beyes que yes lo zaguer fablán d'ista luenga? ¿No creyerías que toda la tuya cultura esmortezería y denguno s'acordarba d'era? ¿No plorarías? No sentirbas odio dica toz los que l'an feito esmortezer? Ixo ye lo que seguramén, piensan los fablans de las luengas menazadas. Porque, en España, bi-há luengas menazadas. Pero poca chen fa caso d'isto. Porque, seguramén, a denguna presona l'interesa saper que los fablans de l'aragonés son cada diyas menos, que lo estremño ye retrozediendo y que toda la cultura que teneba España, ye esmortezindo, poquet á poquet, dica plegar á l'unificazión lingüistica en bellas zonas de lo Estato.

Pero bi-há chen que no quier beyer isto. Son aquers que no fan caso de la cultura, de lo saper popular, de lo pueblo... Son aquers mui ''modernos'', que charran ''anglés, alemán'' pero no sapen que, en lo suyo país, bi-há luengas que los suyos anzaestros charroron. Pero ixo, no lo quieren saper.

Dixemos que s'amorte la nuestra cultura, y estaremos amortatos toz nusatros. Dixemos que s'amorten las luengas, y nusatros, á lo final, fablaremos anglés.

Seguramén denguna presona d'Europa conixca lo que ye la luenga elamita, la luenga lubita, la luenga tocaria... Porque son amortatas. ¿Estarán amortatos l'aragonés, l'asturiano, lo castúo u l'ozitano?

Ixo, depende de las presonas... Sólo nos queda fablar.